Il-Biċċerija Pubblika hija l-uniku fornitur ta’ servizzi relatati mal-qatla għal annimali bovini, ħnieżer, ekwini u ruminanti żgħar f’Malta. Il-filosofija tagħna hija li nipprovdu tali servizzi fil-mod l-aktar nadif u iġjeniku, konformi ma’ standards rigorużi għat-trattament xieraq tal-annimali u flimkien mal-kollegi tagħna fid-Direttorat tar-Regolamentazzjoni Veterinarja niżguraw it-traċċabbiltà xierqa mir-razzett sal-ħanut. Is-suċċess tagħna huwa mmexxi min-nies tagħna u l-impenn tagħhom biex jiksbu r-riżultati kif suppost, billi joperaw b’responsabbiltà għall-klijenti tagħna (il-bdiewa, l-intermedjarji, l-industrija tal-laħam lokali u fuq kollox il-konsumaturi ta’ prodotti ta’ laħam aħmar fil-gżejjer Maltin).