Ir-risotto jsir fi tliet stadji.

1 Aqli l-basla, it-tewm u l-biċċa sħiħa tal-klin, sakemm il-basla tieħu lewn dehbi, itfa’ l-inbid ġo borma u saħħnu, poġġi l-istokk f’borma differenti u saħħnu sew.
Poġġi r-ross u aqli fuq fjamma baxxa sakemm jagħqad sew. Żid l-inbid aħmar jaħraq u ħawwad fuq fjamma għolja u ħallih jagħli. Ħalli l-borma ttektek u sajjar bil-mod għal madwar 55 minuta jew sakemm l-inbid jiġi assorbit waqt li tibqa’ tħawwad kontinwament.

2 Issa żid nofs il-kwantità tal-istokk sħun, ħallih jagħli u tektek baxx għal bejn 5 u 7 minuti oħra sakemm ir-ross jassorbi l-istokk u jibda jieħu konsistenza kremuża, waqt li tħawwad kontinwament. Żid il-bqija tal-istokk sħun u rrepeti t-tieni.

3 Kompli ħawwad. Ir-risotto jkun lest meta z-zalza tkun ħoxna u kremuża u r-ross ikun al dente. Jieħu madwar 20 minuta b’kollox. Ħawwar ir-risotto bi ftit bżar u melħ. Itfi n-nar, neħħi z-zokk tal-klin frisk, ħawwad il-ġobon, il-butir u l-biċċiet tal-Mazzit. Żid il-parmiġġjan maħkuk u servi mal-ewwel.