Porzjoni: 4 porzjonijiet

Ingredjenti:

• • Koxxa tal-majjal bil-ġilda u x-xikel
  • 3 Sinniet tewm
  • 20g Salvja friska mqatta’
  • 4 Basliet imqattajn roti roti daqsxejn ħoxnin
  • Bżar u melħ oħxon
  • Ammont żgħir taż-żejt taż-żebbuġa

Metodu ta’ Preparazzjoni:

1. 1. Saħħan il-forn minn qabel għal 230°C.
   2. Ixxotta sewwa il-koxxa tal-majjal, u fellel il-ġilda fi kwadretti mingħajr ma tmiss il-laħam.
   3. Poġġi l-koxxa bil-ġilda l-isfel u b’sikkina bil-ponta għamel ftit toqob (madwar 10) ftit il-bogħod minn xulxin u fihom deffes biċċiet tat-tewm u salvja. Itfa’ ftit bżar u melħ.
   4. Għażel turtiera rettangolari u għolja madwar 10 ċentimetri u li fiha l-koxxa toqgħod sewwa. Iksi l-qiegħ bil-basal imqatta’ roti ħoxnin daqs ċentimetru.
   5. Poġġi l-koxxa fuq il-basal, bil-ġilda ‘l fuq. Idlikha biż-żejt u melħ oħxon u għorokha biex jidħlu fix-xquq ta bejn il-ġilda.
   6. Imla t-turtiera daqs tliet kwarti bl-ilma. Agħtti bil-fojl u ssiġillaha b’mod li jekk jista’ jkun, ma joħroġx fwar. Ħalliha barra madwar siegħa, biex tieħu temperatura ambjentali.
   7. Meta l-forn jilħaq 230°C, qied it-turtiera fl-ixkaffa tan-nofs u sajjar għal madwar siegħa.
   8. Wara siegħa neħħi l-fojl, naqqas it-temperatura tal-forn għal 180°C u sajjar għal 1.5 siegħa oħra. Jekk jonqos l-ilma, żidu.
   9. Għall-qarquċa, tella’ t-temperatura 245°C u ssajjar għal 25 minuta oħra jew sakemm tintefaħ.