(Riċetta Tradizzjonali)

Porzjoni: 4 porzjonijiet

Ingredjenti:

• • 2 Kg Kirxa
  • Ponn melħ oħxon tal-baħar
  • Lumija mfettqa
  • 4 Basliet
  • 4 Tadamiet
  • 2 Brunġiel
  • Parmiġġjan
  • 8 Bajdiet
  • Perżut Malti
  • Xaħam tal-majjal jew taċ-ċanga
  • Gallettini midħuna

Metodu ta’ Preparazzjoni:

1. 1. Ara li l-kirxa tkun nadifa sew. Iftaħha b’imqass jew sikkina, u għorokha darbtejn fil-melħ u l-lumija. Laħlaħha sew fl-ilma.
   2. Agħlli l-kirxa u mbagħad aqta’ f’biċċiet żgħar.
   3. Aqli b’ħafna basal li jkun ġie imqatta’ fin.
   4. Itfa ftit meraq tat-tadam fuq il-kirxa u l-basal.
   5. Aqta’ ż-żewġ brunġiel fi ċrieki żgħar u wara li tbaxxi l-fjamma, aqlihom mal-kirxa fix-xaħam tal-majjal jew taċ-ċanga.
   6. Żid ftit Parmiġġjan mat-taħlita u ħallat it-tmien bajdiet u xi perżut Malti mat-taħlita.
   7. Dellek dixx fond bix-xaħam jew tal-majjal jew taċ-ċanga u pprepara saff ta’ brunġiel u saff ta’ kirxa sakemm id-dixx ikun mimli.
   8. Fuq dawn is-saffi poġġi ftit ġobon Parmiġġjan imqatta’, u ftit gallettini mitħuna.
   9. Poġġi d-dixx fond fil-forn sakemm il-kirxa tiħmar.